Dyma'ch diweddariad dydd Mawrth, sy'n cynnwys:
- Mae'r Maes Coffa yn agor ar Dir Castell Caerdydd
- Canolfan Ieuenctid Gabalfa wedi'i gweddnewid mewn 18 mis trwy brosiectau partneriaeth llwyddiannus
- Y cynhwysion cywir i ddathlu Mis Plant Gofalwyr Maeth
Mae'r Maes Coffa yn agor ar Dir Castell Caerdydd
Mae seremoni agoriadol Maes Coffa Cenedlaethol Cymru 2024 wedi cael ei chynnal yng Nghastell Caerdydd, wrth i'r genedl baratoi ar gyfer Sul y Cofio blynyddol.
Ymunodd y Cynghorydd Helen Lloyd Jones, y Dirprwy Arglwydd Faer, â nifer o bwysigion eraill, gan gynnwys y Cynghorydd Sarah Merry, Dirprwy Arweinydd Cyngor Caerdydd, a Jane Hutt AoS ar ran Llywodraeth Cymru, i dalu teyrnged mewn gwasanaeth Coffa arbennig gyda Dau Funud o Dawelwch.
Cyn y gwasanaeth cafodd yr holl bwysigion gyfle i ysgrifennu teyrngedau ac wedi hynny fe blannon nhw groesau ym Maes Coffa Cenedlaethol Cymru ar dir y castell.
Canolfan Ieuenctid Gabalfa wedi'i gweddnewid mewn 18 mis trwy brosiectau partneriaeth llwyddiannus
Mae Canolfan Ieuenctid a Chymunedol Gabalfa wedi cynnal digwyddiad arbennig i ddathlu ei gweddnewidiad rhyfeddol a'r cydweithrediad llwyddiannus â phartneriaid amrywiol wrth gyflawni pum prosiect arloesol.
Roedd y digwyddiad yn dangos canlyniadau prosiect mawr a ddatblygwyd gyda chyfraniad a chreadigrwydd pobl ifanc:
- Caffi Fan Ceffylau
- Datblygu Ystafell Amlgyfrwng
- Ystafell amlgyfrwng wedi'i chwblhau
- Unify
- Gardd Les/Ardal Dysgu Awyr Agored
- Adnewyddu Canolfan Ieuenctid Gabalfa
Y cynhwysion cywir i ddathlu Mis Plant Gofalwyr Maeth
Roedd blawd yn hedfan, toes yn troelli, saws pomodoro yn cael ei dywallt, ac roedd yna ddogn mawr o wenu a chwerthin mewn digwyddiad arbennig i ddathlu plant gofalwyr maeth yng Nghaerdydd yr wythnos diwethaf.
Roedd yn rysáit am noson lwyddiannus wrth i Faethu Cymru Caerdydd ddod â phlant o deuluoedd maeth y ddinas at ei gilydd ar gyfer noson llawn hwyl yn gneud pizza i nodi Mis Plant Gofalwyr Maeth.
Bob mis Hydref, mae'r ymgyrch flynyddol yn gyfle i gydnabod a dathlu'r cyfraniad hanfodol y mae plant gofalwyr maeth yn ei wneud i ofal maeth.
Mwynhaodd pedwar ar ddeg o blant a phobl ifanc o deulu Maethu Cymru Caerdydd noson gyda'i gilydd lle cawsant gyfle i rannu eu profiadau gyda'i gilydd, trafod y gefnogaeth y maent yn ei derbyn ac wrth gwrs, mwynhau'r pizzas blasus a wnaethant ym mwyty Eidalaidd Giovanni's ym Mae Caerdydd.