11/10/24
 
 Mae dros 100 o sefydliadau yng Nghaerdydd wedi elwa o'r Gronfa Ffyniant Gyffredin yng Nghaerdydd. Cafodd y cynllun, a ariannwyd gan Lywodraeth y DU, ei roi ar waith ym mis Ebrill 2022 fel cyllid newydd i'r Rhaglen Strwythurol a Buddsoddi Ewropeaidd ar ôl i'r DU adael yr Undeb Ewropeaidd.

Yna dyrannwyd cyllid i ranbarth De-ddwyrain Cymru ym mis Rhagfyr 2022, gyda dwy flynedd o gyllid wedi'i osod ar gyfer 2023/24 a 2024/25. Gwnaeth y cynghorau dan sylw osod y trefniadau llywodraethu angenrheidiol i weinyddu'r cynllun.

Yng Nghaerdydd, sefydlwyd meini prawf y gronfa yn unol â Strategaeth Cryfach, Tecach, Gwyrddach Caerdydd, gydag wyth cynllun grant ar wahân wedi'u sefydlu. Dyrannwyd y pot mwyaf o arian i gynllun 'galwad agored' gyda £5m ar gael, gan roi cyfle i grwpiau cymunedol, busnesau, mentrau a phartneriaethau ledled y ddinas wneud cais am gyllid grant. Rhydd adroddiad i Gabinet Cyngor Caerdydd ar 17 Hydref gipolwg ar y cynnydd a wnaed ers i'r cynllun ddechrau.

Meddai Arweinydd Cyngor Caerdydd, y Cynghorydd Huw Thomas: "Bydd y prosiectau llwyddiannus sydd wedi derbyn cyllid hyd yma yn cael effaith gadarnhaol ar economi leol Caerdydd, yn rhoi hyfforddiant a chymorth i bobl ifanc, a gwella lles cymunedol mewn rhannau o'r ddinas. Gwyddom y bydd llawer mwy yn cael ei gyflawni eleni o gynlluniau sydd wedi bod yn llwyddiannus yn eu ceisiadau am gyllid ar gyfer y flwyddyn ariannol bresennol. Yr hyn sydd wedi bod yn bwysig gyda'r cynllun hwn yw cael arian allan i'n cymunedau cyn gynted ag y byddwn wedi gallu gwneud hynny.

"Dydyn ni dal ddim yn gwybod beth yw'r trefniadau ariannu ar gyfer y flwyddyn nesaf - neu yn wir os oes unrhyw rai - ond mae'r cyllid yma'n hanfodol i gynnal rhywfaint o'r gwaith a wneir gan y Cyngor a sefydliadau'r trydydd sector, felly mae'n hanfodol i bobl a busnesau Caerdydd.

"Mae'n bwysig bod Caerdydd a'r rhanbarth ehangach yn cael setliad teg o ba gynllun olynol bynnag a fydd yn digwydd, i wneud yn iawn am golli cyllid gan yr Undeb Ewropeaidd, ac mae'n bwysig bod penderfyniad lleol yn y modd y caiff y cyllid hwnnw ei wario."

Rhannwyd y prosiectau a gefnogir gan y gronfa yn dri chategori, Cymunedau a Lleoedd, Cefnogi Busnesau Lleol a Phobl a Sgiliau a rhoddir crynodeb isod

Cymunedau a Lleoedd- Yn hwyluso grantiau ar raddfa fach i grwpiau cymunedol wella cyfleusterau, gan gynnwys gwaith atgyweirio, adnewyddu, a gwelliannau effeithlonrwydd ynni.

·       Mae 1,000 o ddigwyddiadau a gweithgareddau lleol wedi'u cynnal

·       Mae 40 o gyfleusterau ac amwynderau wedi'u gwella

·       1,500m² o dir cyhoeddus wedi cael ei greu neu ei wella.

Mae nifer sylweddol o brosiectau wedi derbyn cyllid yn y categori hwn, gan gynnwys:

·       Mae tri grŵp cymunedol wedi cael cymorth - Canolfan Gymunedol Butetown, y Ganolfan Ddiwylliannol yn Sblot ac YMCA Plasnewydd i gynnal a gwella eu cyfleusterau

·       Mae’r Goleufan, gyflwynir trwy Hope St Mellons, wedi cael ei adnewyddu i greu gofod bywiog sy'n eiddo i'r gymuned lle gall pobl gwrdd a datblygu mentrau cymunedol

·       Mae Canolfan Gymunedol Oasis wedi'i gyflwyno drwy'r grŵp cymunedol. Mae wedi'i adnewyddu i wella effeithlonrwydd yr adeilad i'w wneud yn fwy effeithlon o ran ynni ac wedi'i inswleiddio

·       Rhoddwyd cyllid i gyfrannu tuag at wella Canolfan Gelfyddydau Neuadd Llanofer yn Nhreganna i rymuso cymunedau lleol i fod yn weithgar wrth gyfrannu at eu cymuned.

·       Cafodd yr Ymgyrch Carwch Eich Cartref gyllid, i helpu grwpiau gwirfoddol lleol i fynd i'r afael â materion fel atal gwastraff, ailgylchu a chasglu sbwriel cymunedol

·       Cafodd y grŵp cymunedol Made in Roath gyllid ar gyfer y Prosiect Cogyddion Hinsawdd i wella ymgysylltiad cymunedol drwy weithdai beiciau cargo wedi'u teilwra i rannu sgiliau coginio i ysbrydoli arferion byw cynaliadwy yn ogystal â gwell ymdeimlad o gymuned

·       Cafodd Gwyrddio Cathays  a gyflawnir drwy Brifysgol Caerdydd gyllid i ddod â'r gymuned ynghyd i greu mannau trefol cyfoethog o natur i greu cynefinoedd ar gyfer pryfed a mamaliaid lleol fel y gall y gymuned gysylltu â natur

·       Cafodd Prosiect Caerdydd Gwyrdd Glân gan Race Cardiff Cymru gyllid i fynd i'r afael â chyfraddau ailgylchu isel mewn ardaloedd yng Nghaerdydd sydd â chyfran uwch o aelwydydd o gefndiroedd du a lleiafrifoedd ethnig

·       Cafodd Caru Cymru gan Cadwch Gaerdydd yn Daclus gyllid i gynyddu’r cymorth sydd ar gael i hyrwyddwyr sbwriel presennol, er mwyn cynyddu nifer y grwpiau gwirfoddol sy'n helpu i gadw strydoedd Caerdydd yn lân ac yn daclus.

·       Sefydlwyd Cynllun Tir Cyhoeddus Canol y Ddinas i wella ardaloedd o dir cyhoeddus yng nghanol y ddinas sydd angen eu gwella; mae hyn yn cynnwys parcio beiciau, gwyrddio a bioamrywiaeth, clirio'r strydoedd ac uwchraddio palmant

·       Mae Prosiect Llywio’r Llwybr yn cael ei ddatblygu i ddisodli'r arwyddion presennol a'r paneli gwybodaeth i dwristiaid gyda seilwaith statig newydd

·       Gosododd Prosiect Addurniadau Nadoligaidd yr Arcedau gan Caerdydd AM BYTH addurniadau Nadoligaidd yn arcedau Fictoraidd Caerdydd i wella'r estheteg a'r apêl i ddenu ymwelwyr a gwella masnachu

·       Sefydlwyd y Prosiect Amgylcheddau Sy'n Dda i Bobl Hŷn i wneud gwelliannau i Hybiau ar gyfer pobl ag anghenion gofal cymhleth trwy uwchraddio a gwella i sicrhau eu bod yn hygyrch

·       Sefydlwyd y Prosiect Cysylltedd Digidol i wella rhwydweithiau Wi-Fi a seilwaith digidol o fewn Hybiau a lleoliadau preswyl i wella cysylltedd a mynediad at wasanaethau digidol

·       Sefydlwyd y Prosiect Hyb Hygyrchedd i roigrantiau i sefydliadau allanol i ategu trafnidiaeth gymunedol a chyfleusterau megis mynediad i dai bach i sicrhau bod amgylcheddau lleol yn gynhwysol ac yn hygyrch i breswylwyr

·       Sefydlwyd y Prosiect Cymorth Lles ihelpu pobl agored i niwed i gael mynediad at wasanaethau i wella eu lles, gwella gwirfoddoli ymhlith cymunedau a gwella cyfranogiad cymunedol

·       Mae tîm o Swyddogion Cynhwysiant Cymunedol i gynyddu nifer y grwpiau cymunedol, gan gynnwys grwpiau cyfeillgarwch, clybiau garddio a grwpiau chwaraeon i fynd i'r afael ag ynysu cymdeithasol a chynyddu ymgysylltiad cymunedol

·       Mae Prosiect Ffrindiau Mawr Caerdydd drwy Anabledd Dysgu Cymru yn brosiect cyfeillgarwch sy'n paru pobl ag anableddau dysgu a/neu awtistiaeth gyda gwirfoddolwr i ddilyn gweithgareddau a chymdeithasu fel ffrindiau mewn amgylchedd diogel.

·       Cyflawnir y Prosiect Symud Mwy a Bwyta'n Dda gan Fwrdd Iechyd Caerdydd a’r Fro, C3SC a Chyngor Caerdydd yn hyrwyddo heneiddio'n iach a lles corfforol drwy raglenni symud wedi'u hysbrydoli gan grefftau ymladd

·       Mae Prosiect New Heights gan Sight Life yn anelu at wella cynhwysiant digidol a mynediad at weithgareddau hamdden i bobl â nam ar eu golwg min Caerdydd

·       Nod y Prosiect Tirwedd Codi am Deleofal yw mynd i'r afael â chostau uwch offer Gofal a Alluogir gan Dechnoleg ar gyfer pobl hŷn, bregus neu anabl trwy gynnig cymhorthdal ar gyfer yr offer a'r gosodiad

·       Nod y Prosiect Hyb Creadigol drwy Ganolfan Mileniwm Cymru, yw trawsnewid ardal nas defnyddir yn y Ganolfan yn ofod cymdeithasol creadigol bywiog.

·       Nod y Prosiect Dwyn Sylw Pobl Ifanc yn Butetown  gan y Sefydliad dros Hyfforddiant Chwaraeon yw grymuso pobl ifanc yn Butetown trwy roi cyfleoedd ar gyfer meithrin sgiliau, datblygiad personol a gweithgareddau drwy weithdai a rhaglenni chwaraeon

·       Cyflawnir Prosiect Rhedeg Caerdydd drwy Rhedeg Dros Gymru sy’n fenter gymdeithasol ddielw ac yn ymddiriedolaeth elusennol sy'n ymroddedig i hyrwyddo, cyflwyno a rheoli digwyddiadau mawr.

·       Cyflawnir Prosiect Box in Mind trwy Glwb Bocsio Amatur Tiger Bay yng nghanol Butetown i sefydlu man diogel a chefnogol lle gall pobl ifanc fod yn agored a chymryd rhan mewn sgyrsiau ystyrlon gyda mentoriaid

·       Nod y Prosiect Galw a Reidio Cerbydau Newydd a gyflawnir drwy VEST yw disodli cerbydau sy'n heneiddio a sicrhau parhad y Gwasanaethau Bws Galw a Reidio.

·       Mae Prosiect Meithrin Gallu Theatr Genedlaethol Cymru yn canolbwyntio ar wella sgiliau o fewn economi greadigol Caerdydd gan dargedu pobl sy'n profi hiliaeth a thlodi i bobl ifanc rhwng 14 a 25 oed.

·       Bwriad y Prosiect Hybiau Cyfeillgar Niwroamrywiol yw gwneud hybiau cymunedol yn fwy hygyrch i ddarparu ar gyfer cwsmeriaid niwroamrywiol drwy ystod o fesurau

·       Bydd Prosiect Neuadd Llanrhymni gan Ymddiriedolaeth Gymunedol Llanrhymni yn cefnogi gweithgarwch yn y cyfleuster, sy'n cael ei adfer i fod yn ased cymunedol bywiog.

·       Sefydlodd y Prosiect Diogelwch Cymunedol grŵp datrys problemau amlasiantaeth i fynd i'r afael â materion cymhleth fel trosedd ac ymddygiad gwrthgymdeithasol

·       Mae’r Gronfa Cydlyniant Cymunedol yn cynnig i grwpiau cymunedol a sefydliadau'r trydydd sector wneud cais am gyllid hyd at £2,000

·       Mae Dinasoedd sy'n Dda i Blant yn gwella mynediad cymunedol i blant, pobl ifanc a theuluoedd yng Nghaerdydd

·       Mae Cyngor Trydydd Sector Caerdydd a Chynllun Grant Bach CFfG a gyflawnir drwy C3SC yn gynllun grantiau bach gwerth £150,000 sy'n gweithio gyda grwpiau yn y sector gwirfoddol i gydlynu i ddarparu gweithgareddau a gwasanaethau mewn ymateb i anghenion lleol.

·       Cafodd Canolfan Ymchwil Caerdydd gyllid i gasglu data a gwybodaeth am nodweddion cymunedol, gan sicrhau bod canlyniadau'n cael eu mesur a'u halinio'n gywir ag anghenion y gymuned.

·       Mae Cynllun Cymunedol Trelái a Chaerau yn gynllun gweithredu cynhwysfawr sy'n canolbwyntio ar blant a phobl ifanc sy'n canolbwyntio ar faterion fel diogelu a diogelwch cymunedol

·       Mae Beicio Anabledd Pŵer Pedal, drwy Pedal Power yn rhoi cyfleoedd beicio cynhwysol i unigolion ag amrywiol alluoedd

·       Mae Grantiau Grassroots Music Venue yn dyrannu arian i wella lleoliadau diwylliannol a chwaraeon ar lawr gwlad, gan wella seilwaith a galluoedd.

·       Cafodd Strategaeth Cerddoriaeth Caerdydd arian i wella sîn gerddoriaeth Caerdydd a chefnogi cerddorion lleol.

Cefnogi Busnes Lleol - Defnyddiwyd cyllid i ymateb i'r galw am ddigwyddiadau ar draws y ddinas.

·       2000 o fentrau’n cael cymorth anariannol

·       50 o fusnesau’n derbyn arian grant

·       Rhoddwyd cymorth i 50 o entrepreneuriaid posibl

·       £1.5m o fuddsoddiad i'r economi leol a 100 o swyddi wedi'u diogelu

Mae nifer sylweddol o brosiectau hefyd wedi derbyn cyllid yn y categori hwn, gan gynnwys:

·       Digwyddiadau Busnes Caerdydd, a gafodd gyllid i hyrwyddo datblygiad digwyddiadau busnes yn y ddinas gan gynnwys sectorau hamdden, lletygarwch a manwerthu

·       Cafodd Hyrwyddiadau Hamdden, Manwerthu a Lletygarwch gyllid i gynyddu'r arlwy hamdden, lletygarwch a manwerthu ar draws y ddinas tra'n annog pobl i ymweld â Chaerdydd.

·       Ailddatblygu Techniquest West Terrace, drwy Techniquest, a roddodd ofod digwyddiadau ychwanegol ar gyfer hurio masnachol a phrofiadau thematig

·       Mae Cynllun Gwella Canol y Ddinas yn ychwanegu adnoddau i dîm canol y ddinas i ddarparu tîm wardeniaid canol y ddinas i groesawu ymwelwyr yn ogystal â gweithio gyda'r gwasanaethau brys a'r Tîm Allgymorth i fynd i'r afael â materion fel ymddygiad gwrthgymdeithasol

·       Mae’r Prosiect Cwpan Coffi y gellir ei Dychwelyd  gan Caerdydd AM BYTH yn lansio menter cwpan coffi y gellir ei dychwelyd yng nghanol y ddinas i gefnogi cynaliadwyedd.

·       Mae’r Cynllun Gyfalaf Busnes a Grantiau Refeniw yn cynnig cyllid o hyd at £10,000 i fusnesau lleol i fuddsoddi yn eu busnes i wella cynhyrchiant a chynaliadwyedd yn ogystal â chreu swyddi.

Pobl a Sgiliau - Mae'n cynnig pecyn cyflogaeth a sgiliau i ddinasyddion Caerdydd sy'n cefnogi pobl i sicrhau a symud ymlaen mewn cyflogaeth trwy fentora, mynediad at hyfforddiant, a chael gwared ar rwystrau.

·       Cafodd 4,000 o bobl sydd wedi'u hallgáu'n gymdeithasol gymorth

·       Cafodd 1,000 o bobl wasanaethau cymorth gweithwyr allweddol

·       Miloedd o bobl wedi cael mynediad at ystod o sgiliau a chymorth hyfforddiant

·       Enillodd 400 o bobl gymhwyster newydd

·       Roedd 1,000 o bobl yn cael cymorth sgiliau bywyd yn dilyn ymyriadau

·       Roedd 1,000 o bobl yn cael cymorth chwilio am swydd

·       Cyflogwyd 400 o bobl yn dilyn y cymorth a roddwyd

·       Mae 2,900 o bobl wedi cymryd rhan mewn cyrsiau i wella eu sgiliau mathemateg

·       Mae’r Gwasanaeth i Mewn i Waith yn cynnig pecyn cyflogaeth a sgiliau i ddinasyddion Caerdydd sy'n cefnogi pobl i sicrhau a symud ymlaen mewn cyflogaeth trwy fentora, mynediad at hyfforddiant, a chael gwared ar rwystrau.

·       Rhydd Hyfforddiant a Chyflogaeth Vision 21 drwy Vision 21 hyfforddiant galwedigaethol arbenigol i bobl ag anabledd dysgu.

·       Mae Mynd i Mewn i Dai drwy Gymdeithas Tai Cymunedol Caerdydd yn cynnig lleoliadau â thâl i oedolion di-waith 18+ oed o gefndiroedd amrywiol, gan roi sgiliau a phrofiad mewn rolau cysylltiedig â thai i gefnogi datblygiad eu gyrfa

·       Mae Hyfforddiant Lles Cymunedol drwy Platfform yn rhoi cymorth iechyd meddwl a lles arbenigol i wella mynediad at weithgareddau cymunedol, gwirfoddoli, hyfforddiant a chyfleoedd cyflogaeth i bobl ifanc ac ymgysylltu â nhw.

·       Mae Cnect Talent drwy Cnect Cymru yn darparu llif o bobl rheng flaen addas i aelodau i'w helpu i dyfu eu busnesau

·       Nod y Prosiect Steps to Progress gan The Wallich yw cefnogi unigolion sy'n profi digartrefedd yng Nghaerdydd ar eu taith tuag at ddod o hyd i waith a'i gynnal.

·       Mae Prosiect Integreiddio Ffoaduriaid trwy Sgiliau a Chyflogaeth drwy Gyngor Ffoaduriaid Cymru yn cynnig gwasanaeth cynhwysfawr i geiswyr lloches a ffoaduriaid yng Nghaerdydd, gan gefnogi eu hintegreiddio i gymdeithas a'r farchnad lafur

·       Nod Prosiect Ecsploetiaeth Menywod a Merched Ifanc Cymru Ddiogelach yw creu amddiffyniad a chymorth i fenywod a merched yng Nghaerdydd sydd mewn perygl o gael eu hecsbloetio

·       Hwylusodd Addewid Caerdydd rwydweithio a chydweithio rhwng Arweinwyr Diwydiant ac Ysgolion/Gwasanaethau Cymorth Ieuenctid yng Nghaerdydd, gan ganolbwyntio ar ddatblygu sgiliau cyflogadwyedd ymhlith unigolion ifanc i bontio'r bwlch rhwng sectorau twf economaidd a'r boblogaeth ieuenctid

·       Mae Gwasanaeth Ymyrraeth Gynnar Troseddau Cyfundrefnol Difrifol Gweithredu Dros Blant yn cefnogi plant a phobl ifanc yng Nghaerdydd ynghyd â'u teuluoedd, sydd mewn perygl o ddioddef neu sydd wedi profi niwed o gamfanteisio troseddol drwy gymryd rhan mewn troseddau cyfundrefnol difrifol.

·       Rhydd Prosiect Gwasanaethau Ieuenctid gymorth sgiliau gwirfoddoli a sgiliau bywyd i bobl ifanc agored i niwed yng Nghaerdydd, gan eu helpu i fagu hyder gan wella eu parodrwydd ar gyfer y farchnad swyddi.

·       Mae Cynorthwyo’r rhai sydd mewn perygl o NEET, a gyflawnir drwy Goleg Caerdydd a’r Fro, yn cefnogi preswylwyr a dysgwyr Caerdydd yng Ngholeg Caerdydd a'r Fro (CCF) sydd mewn perygl o ddod yn NEET (Ddim mewn Addysg, Cyflogaeth na Hyfforddiant)

·       Mae Addysg yn Llamau a gyflawnir drwy Llamau yn rhoi addysg sy'n cael ei hysbysu'n seicolegol i bobl ifanc yng Nghaerdydd sy'n bell o'r farchnad lafur. Mae'n cynnig cymorth personol trwy ganolfannau dysgu achrededig, cymorth digidol o bell, a rhaglenni hyblyg wedi'u teilwra i anghenion unigol

·       Mae Lles a Chyflawniad Cymunedol gan y Ministry of Life yn cynnig Llwybr Lles a Chyflawniad Cymunedol wedi'i gynllunio ar gyfer pobl ifanc sydd mewn perygl o ymddieithrio o addysg, hyfforddiant neu gyflogaeth.

·       Bydd y Rhaglen Cyflawni Somali a ddarperir drwy SEF (Cronfa Addysg Somali) Cymru’n defnyddio cyllid i wella perfformiad academaidd a meithrin balchder diwylliannol ymhlith myfyrwyr Somali oedran uwchradd yng Nghaerdydd

·       Mae Prosiect Maes Hyfforddi Grangetown a gyflwynir drwy Fforwm Ieuenctid Pafiliwn Grange yn cynnig cyfle i bobl ifanc leol yng Nghaerdydd fagu hyder, sgiliau a chymwysterau yn y diwydiant lletygarwch a choffi

·       Bydd Gwasanaeth Ymgysylltu a Lles NEET Barnardo's yn defnyddio cyllid i ddarparu rhaglen integredig o gymorth i bobl ifanc 15-24 oed sy'n byw yng Nghaerdydd ac sy'n wynebu nifer o anfanteision ac anawsterau i gynnal addysg a/neu symud ymlaen i gyflogaeth.

·       Bydd y Prosiect Dysgu Oedolion yn cynnig pecyn rhifedd a dysgu i’r teulu cynhwysfawr ar gyfer dinasyddion Caerdydd gan ganolbwyntio ar ddatblygu sgiliau gyda'r nod o wella'r bwlch mewn safonau Rhifedd.

·       Mae’r Prosiect Cynghori Ariannol yn Wasanaeth Cyngor Ariannol cynhwysfawr a fydd yn cynorthwyo trigolion ledled Caerdydd waeth beth fo'u hamgylchiadau, p'un a ydynt yn hawlio budd-daliadau neu mewn gwaith, yn berchennog tŷ neu denant, ar draws y gwahanol gymunedau yng Nghaerdydd. Bydd y prosiect yn rhoi cymorth wyneb yn wyneb, dros y ffôn ac ar-lein ar gyllidebu, manteisio i’r eithaf ar incwm a chyngor ariannol.