2.5.24
Ar un adeg roedd galiynau Sbaenaidd yn croesi Cefnfor yr Iwerydd i arfordir America, yn hwylio Môr y Caribî ac yn archwilio'r Cefnfor Tawel, gan ddarganfod a sefydlu llwybrau masnach ar ran Coron Sbaen - ac nawr mae galiwn yn dod i Fae Caerdydd i'r cyhoedd ei harchwilio.
Galiwn Andalucia dan ei hwyliau.
Mae Amgueddfa ArnofioGaliwn Andaluciayn replica unigryw o'r llongau masnachol arfog a ddefnyddiwyd ar gyfer y teithiau morwrol hyn o'r 16egtan y 18fedganrif a bydd yn docio yng Nghei Britannia ABP cyn agor i'r cyhoedd o ddydd Gwener 10 Mai tan ddydd Sul 12 Mai rhwng 10am ac 8pm.
Mae'r ymweliad yn cynnwys taith gerdded hunan-dywys gyda'r cyfle i archwilio chwe dec, arddangosfeydd rhyngweithiol a dogfennau hanesyddol, gwylio fideos, tynnu lluniau a chwrdd ag aelodau'r criw.
Dwedodd llefarydd ar ran Cyngor Caerdydd: "Dros y pum mlynedd diwethaf mae Galiwn Andalucia wedi ymweld â 123 o wledydd lle mae dros filiwn o ymwelwyr wedi manteisio ar y cyfle i ddarganfod mwy am hanes y llongau mawreddog hyn a'r llwybrau masnach byd-eang yr oeddent yn eu hysbeilio. Edrychwn ymlaen at ychwanegu Cymru at y rhestr honno, ac rydym yn estyn croeso cynnes i Gaerdydd i'r Galiwn Andalucia."
Mae Cymdeithas Porthladdoedd Prydain (ABP) yn cefnogi'r ymweliad yn garedig, gyda'r galiwn yn cael ei hangori drwy gydol ei hymweliad ym Mhorthladd Cei Britannia yng Nghaerdydd.
Dywedodd Ashley Curnow, Rheolwr Rhanbarthol Porthladdoedd yn ABP: "Rydym yn falch iawn o groesawu'r Galiwn Andalucía yng Nghei Britannia y porthladd, sy'n angorfa unigryw sydd wedi'i lleoli mor agos i ganol y brifddinas, sy'n ei gwneud yn well cyrchfan ar gyfer amrywiaeth o longau, o longau rhyfel i longau mordeithio."
Mae tocynnau'n costio £12 i oedolion, a £6 i blant 5-10 oed (mae plant dan 5 oed am ddim). Mae tocynnau teulu ar gyfer dau oedolyn a hyd at dri phlentyn ar gael am £30. Gellir prynu tocynnau ymlaen llaw yn https://bit.ly/3WgiP5E neu ar y llong. Gall ysgolion a sefydliadau drefnu ymweliad drwy gysylltu ag ecampos@velacuadra.es.
Galiwn Andalucía - ffeithiau a ffigurau
Deciau: 6 (gydag arwynebedd o 3,400 troedfedd²)
Hyd: 164 troedfedd
Trawst: 33 troedfedd
Pwysau: 500 tunnell
Mastiau: 3
Hwyliau: 7, yn mesur bron 11,000 troedfedd²
Cyflymder cyfartalog: 7 milltir fôr