Cyfarfu Bwrdd Cerddoriaeth Caerdydd am y tro cyntaf heddiw.
Ddydd Llun, 16 Rhagfyr yn Neuadd y Ddinas
cyfarfu 22 aelod y bwrdd, sydd â'r gwaith o fod ynbencampwyr
dros fywyd cerddorol y ddinas. Eu gwaith yw gwarchod a hybu cerddoriaeth o'r
amaturiaid i'r cerddorion proffesiynol, a datblygu Strategaeth Gerddorol i Gaerdydd.
Dywedodd Cadeirydd y Bwrdd, y Cynghorydd Huw
Thomas, Arweinydd Cyngor Caerdydd: "Mae hon yn foment arwyddocaol yn hanes
diwylliannol Cymru, lle bydd gweithwyr proffesiynol y diwydiant a'r llywodraeth
yn dechrau'r gwaith o wireddu'r uchelgais o droi Caerdydd, prifddinas Cymru yn
Ddinas Gerddoriaeth Ryngwladol, yn cwmpasu pob arddull, o bob safon, ac i bob
person sy'n byw yn y ddinas gyfan.
"Rydym yn uchelgeisiol dros ddyfodol
cerddoriaeth yng Nghaerdydd. Mae'r sector gerddoriaeth eisoes yn gwneud
llawer dros y ddinas, yn ddiwylliannol ac yn economaidd, ond rydym am wneud y
mwyaf o'r gwerth hwnnw ac am harneisio grym cerddoriaeth er lles y ddinas a'r
bobl sy'n byw ac yn gweithio ynddi ac yn ymweld â hi.
"Bydd y Bwrdd Cerddoriaeth yn chwarae rhan
bwysig wrth helpu i gyflawni'r uchelgeisiau hynny. Roedd yr adroddiad ‘Sound
Diplomacy' a gyhoeddwyd yn gynharach eleni yn cynnig amlinelliad o'r ffordd y
gall Caerdydd chwarae rhan flaenllaw yn y mudiad Dinasoedd Cerdd byd-eang, ac
edrychaf ymlaen at gyfarfod â'r bwrdd am y tro cyntaf, a chlywed eu barn ar sut
y gallwn ni weithio gyda'n gilydd i yrru'r cynlluniau yma ymlaen.
Dewiswyd aelodau'r bwrdd i adlewyrchu
amrywiaeth cymdeithasol Caerdydd, ac mae'n cynnwysun o DJs
radio mwyaf blaenllaw Cymru, prif leisydd band byw ffrwydrol, cyfarwyddwr
elusen cerddoriaeth gymunedol flaenllaw, ac un o'r tîm y tu ôl i gyflwyno
polisi Cyfrwng Newid yng Nghymru.
Dywedodd yr Aelod Cabinet dros Ddiwylliant a
Hamdden, y Cynghorydd Peter Bradbury: "Sector greadigol Caerdydd yw un o'i
chryfderau - mae eisoes yn creu dros £1 biliwn o werth i'r economi ac mae twf
sector cerddoriaeth fyw y DU yn golygu bod gwir gyfle yma i Gaerdydd - a
chyda'r sgiliau a'r profiad amrywiol sydd gennym ar y bwrdd, rydym mewn lle da
i fanteisio arni.
"Roedd cyflwyno Bwrdd Cerddoriaeth yn un o
brif argymhellion yr adroddiad Sound Diplomacy, ac mae dau argymhelliad arall,
sef creu digwyddiad cerddorol o fri a chyflwyno parthau i gerddorion lwytho a
dad-lwytho offer, ar yr agenda yn y cyfarfod cyntaf.
"Mae llawer o waith i'w wneud, ond mae'r
cyfarfod cychwynnol hwn o'r bwrdd yn nodi carreg filltir bwysig yn ein
cynlluniau i ymgorffori cerddoriaeth ym mhob agwedd o strwythurau dinesig
Caerdydd, o gynllunio i drwyddedu, llesiant cymdeithasol a thwristiaeth."
Llun gan: Peter Evans