Dyluniodd Lloyd Garrett, sy'n 17 oed, daflen
wybodaeth ar gyfer digwyddiad codi arian i Gymdeithas Ddinesig Caerdydd a
dewisodd gael Criafolen wedi'i phlannu yn ei enw ym Mharc Bute, yn hytrach na
chael tâl am ei waith.
Mae'r goeden yn un o 70 a ariannwyd gan rodd
caredig o £7,000 gan Gymdeithas Ddinesig Caerdydd, a byddant yn dechrau cael eu
plannu yn ystod yr Wythnos Coed Genedlaethol (23 Tachwedd - 1 Rhagfyr), gyda
mwy o goed yn cael eu plannu dros y misoedd nesaf fel rhan o raglen plannu coed
flynyddol Caerdydd.
Dywedodd Lloyd, a blannodd ei goeden yn agos i
Ganolfan Addysg Parc Bute: "Fe allen i fod wedi cymryd yr arian, am wn i,
ond mae rhywbeth arbennig am gael dy goeden dy hun. Dwi am feicio heibio hi'n
rheolaidd i weld sut mae hi'n gwneud.
"Plannu coed yw'r ffordd hawsaf o wella'r
amgylchedd a mynd i'r afael â'r argyfwng hinsawdd sydd o'n blaenau. Pe bai pawb
yn gwneud, byddai miliynau ar filiynau o goed - plannu coed yw'r ateb."
Dywedodd llefarydd ar ran y cyngor:
"Mae coed yn dod â manteision amrywiol o ran iechyd, lles a'r blaned, ac
rydym yn ddiolchgar i Gymdeithas Ddinesig Caerdydd am ei rhodd hael a fydd yn
ein galluogi i blannu hyd yn oed yn fwy o goed eleni."
"Mae'r coed a gaiff eu plannu i gyd yn
beillwyr da ac wedi'u dewis i annog bioamrywiaeth. Mae yna nifer o wahanol
rywogaethau, gan gynnwys afal, bedwen, gwernen, draenen wen a cheirios."