Mae hyn yn digwydd ar yr un pryd â chynllun yr amgueddfa i godi hanner miliwn o bunnoedd i helpu i gefnogi rhaglenni, arddangosfeydd a gwaith addysg i'r dyfodol.
Dywedodd yr Aelod Cabinet dros Ddiwylliant a Hamdden, y Cynghorydd Peter Bradbury:"Mae'r amgueddfa bellach yn 8 mlwydd oed ac yn ystod yr amser hwnnw mae wedi croesawu mwy o na 1.1 miliwn o ymwelwyr o Gaerdydd ac o bedwar ban y byd.”
Ychwanegodd Rheolwr yr Amgueddfa, Victoria Rogers: “Rydyn ni’n gwybod, trwy siarad ag ymwelwyr a chefnogwyr, y gallai ein hen enw ddrysu llawer o bobl. Rydyn ni’n credu y bydd ein henw newydd yn adlewyrchiad mwy clir ac amlwg o ddiben go iawn yr amgueddfa”
Dywedodd y Cynghorydd Bradbury: “Bob blwyddyn mae’r amgueddfa’n cefnogi ac yn gweithio gyda 100 o grwpiau cymunedol a sefydliadau gwahanol. Mae’n ased go iawn i ddiwylliant y ddinas a dyma’r unig le y gall pobl leol a thwristiaid fynd iddo i archwilio a dathlu ein hanes cyfoethog. Mae’r enw newydd yn adlewyrchu cam newydd a chyffrous yn natblygiad yr amgueddfa.
“Ni fydd yr arian a godir trwy’r ymgyrch hon yn talu am gostau cynnal yr amgueddfa ond bydd yn cynnig cefnogaeth hirdymor hollbwysig sy’n ategu’r buddsoddiad y mae’r Cyngor eisoes yn ei wneud ochr yn ochr ag ystod o gefnogwyr hael"
Bydd yr union swm o arian a godir gan yr Amgueddfa ac Ymddiriedolaeth Datblygu Amgueddfa Caerdydd yn cael ei roi gan Gronfa Dreftadaeth y Loteri Genedlaethol.
Mae cefnogwyr awyddus yr amgueddfa, Henry a Diane Engelhardt, eisoes wedi addo cefnogi’r ymgyrch trwy sefydliad eu teulu, Moondance Foundation, “Rydyn ni’n teimlo ei bod hi’n bwysig i ddinas fel Caerdydd gael ei hamgueddfa ei hun i ddathlu ei hanes a'i chymunedau. Gall Amgueddfa Caerdydd adrodd hanes anhygoel y Ddinas i genedlaethau'r dyfodol, dyma pam roedden ni’n falch o helpu i lansio’r apêl hon. Bydden ni annog pawb sy’n galw Caerdydd yn gartref i gefnogi’r apêl hon”.
Os hoffech chi gyfrannu at yr apêl ewch i https://cardiffmuseum.com/cy/986-2/
neu cysylltwch â’r amgueddfa’n uniongyrchol ar 029 2034 6214 neu dros e-bost i:storicaerdydd@caerdydd.gov.uk