Mae’r digwyddiad wedi’i enwi ar sail nifer y bobl sy’n ymweld â Chanolfan Addysg y parc a Chaffi’r Ardd Gudd a gofyn ‘Beth sydd Tu Ôl i’r Wal?’Bydd cerflun newydd yn cael ei ddatgelu i ddathlu 70 mlynedd o Barc Bute a nodi agoriad swyddogol Planhigfeydd Parc Bute.
Mae’r planhigfeydd, sydd wedi bod yn cuddio y tu ôl i’r waliau coch mawr wrth ben border blodau enwog y parc, yn darparu blodau a phlanhigion ar gyfer holl blanwyr parciau Caerdydd a chanol y ddinas, ac nawr mae pawb yn cael y cyfle i ddod â chalon werdd y ddinas i mewn i’w gerddi.
Bydd teithiau o’r planhigfeydd ar gael gyda thîm gwybodus Parc Bute ynghyd ag amrywiaeth o ddigwyddiadau am ddim (bydd angen tocyn i’r rhan fwyaf ohonynt), gan gynnwys:
·
sgwrs am gyn-brif arddwr Castell Caerdydd, Andrew
Pettigrew.
·
sgwrs gan sylfaenydd Gardd Salad Caerdydd, menter
gymdeithasol sy’n gweithredu yng Ngardd Furiog Parc Bute sy’n gweithio gyda
gwirfoddolwyr i hyrwyddo iechyd meddwl cadarnhaol ac sy’n gwerthu salad sy’n
cael ei gludo ar feic i fusnesau lleol.
·
Y cyfle i glywed gan y garddwyr arbenigol sy’n gofalu am
Barc Bute.
·
Melissa Boothman o Gaffi’r Ardd Gudd a Phantri Pen-y-lan
yn rhannu ryseitiau tymhorol.
·
Y cyfle i glywed gan Geidwad Gwenyn Parc Bute am gychod
gwenyn newydd y parc, sy’n dychwelyd 60 mlynedd ar ôl iddynt gyflenwi mêl i’r
teulu Bute cyfoethog a’u gwesteion yng Nghastell Caerdydd.
·
Arddangosiad ar dechnegau epilio ar gyfer planhigion dan
do ac awyr agored yn seiliedig ar 30 mlynedd o brofiad o dyfu planhigion y
ddinas ym Mhlanhigfa Parc Bute.
·
Gweithdai cylchoedd hwla i bawb o bob oedran, gan The
Sparklettes.
·
Gweithgareddau i blant.
Dywedodd yr Aelod Cabinet dros Hamdden a Diwylliant, y Cynghorydd Peter Bradbury: “Fyddai Caerdydd ddim yr un peth heb Barc Bute – mae wedi bod yn galon werdd i’r ddinas ers 70 mlynedd nawr, ac mae hynny’n achos dathlu. Mae gan y tîm ym Mharc Bute gyfoeth o brofiad – dyma gyfle gwych i ddysgu ganddyn nhw, dysgu mwy am y parc a dysgu am yr holl waith gwych sy’n cael ei wneud y tu ôl i’r waliau.”
Am restr lawn o ddigwyddiadau ar y dydd, ewch i: http://bute-park.com/uncategorized/6258/
I
gadw tocynnau am ddim, ewch i: https://www.eventbrite.co.uk/o/bute-park-15541788264