Y dyn hwnnw oedd tad yr artist Bodil Friele -
un o nifer o Norwyaid a wasanaethodd yn y Llu Awyr yn ystod yr Ail Ryfel Byd ar
ôl iddynt ffoi o'u gwlad i ymuno â lluoedd y cynghreiriaid.
Mae arddangosfa o waith Friele, "Carcharor
Rhyfel, darluniau a cherddi" i'w gweld yn yr Eglwys Norwyaidd yng
Nghaerdydd o 26 Hydref hyd 12 Tachwedd. Mae'r arddangosfa, a gaiff ei hagor yn
swyddogol gan y Gwir Anrhydeddus Arglwydd Faer Caerdydd, y Cyng. Diane Rees, yn
un o nifer o ddigwyddiadau inodi
canmlwyddianty Llu
Awyr.
Dywedodd Arglwydd Faer Caerdydd, y Cyng. Dianne
Rees: "Wrth
i'r Llu Awyr gyrraedd y pen-blwydd arwyddocaol hwn mae'n anrhydedd cael agor yr
arddangosfa o'r gwaith hynod hwn. Nid yn unig y mae'r arddangosfa yn tynnu sylw
at y cysylltiadau clos rhwng y Llu Awyr a nifer o griwiau Norwyaidd a fu'n
ymladd dros y wlad hon yn ystod yr Ail Ryfel Byd, mae hefyd yn ein dwyn yn nes
at brofiad rhyfel y mae'n bwysig myfyrio arno, gan ei fod mor bell o brofiadau
beunyddiol y rhan fwyaf o bobl y wlad hon."
Dywedodd Curadur yr Arddangosfa, Bjorn Inge
Follevaag: "I'r
rhan fwyaf ohonom mae carcharu yn amhosib ei ddirnad.Does dim modd dychmygu colli
ein rhyddid a chael ein gorfodi i fyw ein bywydau ar delerau rhywun arall.Ond dyma'r union brofiad sy'n
sail i'r arddangosfa."
Mae'r arddangosfa yn tynnu ar brofiad yr artist
o dyfu i fyny gyda thad, y daeth ond i sylweddoli'n ddiweddarach, trwy ei
ddyddiaduron a'i nodiadau, a oedd yn dioddef o Anhwylder Straen Wedi Trawma
(PTSD). Drwy
ail-weithio'r profiadau hyn yn destunau, delweddau a ffurfiau cerfluniol mae
Friele yn mynd i'r afael â hanes ei thad a cheisio dangos sut y gallwn oll
uniaethu â phrofiad yr un person hwn o ryfel.
Ychwanegodd Curadur yr Arddangosfa, Bjorn Inge
Follevaag: "Carem
ddiolch i staff Eglwys y Morwyr Norwyaidd a'r ganolfan ddiwylliannol, i Gymdeithas
Cyfeillgarwch Norwy Cymru, y Llu Awyr, eu staff presennol yn ogystal â'r holl
gyn-filwyr sydd yn dal yn fyw wedi'r rhyfel, a phawb sydd wedi helpu i
alluogi'r digwyddiad hwn i fynd rhagddo."
https://www.norwegianchurchcardiff.com/cy/cartref/