Dyma'ch diweddariad dydd Gwener, sy'n cynnwys:

• Ysgol Farchogaeth benigamp Caerdydd yn "newid bywydau"
• Cau dwy siop arall am werthu tybaco a fêps anghyfreithlon yng Nghaerdydd
• Angen barn y cyhoedd am bont newydd arfaethedig dros Afon Taf

Ysgol Farchogaeth benigamp Caerdydd yn "newid bywydau"

Mae Ysgol Farchogaeth Caerdydd wedi'i henwi fel Canolfan Gymeradwy Cymdeithas Ceffylau Prydain 2024 sydd wedi "gwneud y gwahaniaeth mwyaf i'w chymuned."

Canmolodd y Gymdeithas "ymdrechion parhaus yr ysgol i ysbrydoli a chodi unigolion o bob cefndir, ac ymrwymiad diwyro i gynhwysiant, ymgysylltu â'r gymuned a datblygiad personol," gan ei galw'n "allweddol yn newid llawer o fywydau."

Yn eiddo i Gyngor Caerdydd, Ysgol Farchogaeth Caerdydd yw un o'r ysgolion marchogaeth olaf sy'n eiddo i'r awdurdod lleol ac yn cael ei gweithredu ganddo yn y DU.

Darllenwch fwy yma

Cau dwy siop arall am werthu tybaco a fêps anghyfreithlon yng Nghaerdydd

Mae dwy siop arall yn gwerthu tybaco a fêps anghyfreithlon wedi cau dros dro ar Stryd Clifton yng Nghaerdydd.

Mae Vape Mini Market a Best One Vape wedi cael eu cau am dri mis gan y Gwasanaethau Rheoliadol a Rennir (GRhR) ar ôl i Lys Ynadon Caerdydd rhoi Gorchmynion Cau oherwydd Ymddygiad Gwrthgymdeithasol, ddydd Gwener, 22 Tachwedd a dydd Mawrth, 26 Tachwedd.

Mae'r Gorchmynion yn cau'r siopau ar unwaith ac yn eu hatal rhag masnachu am dri mis. Os cânt eu hagor ar gyfer busnes yn ystod y cyfnod hwn, gallai perchnogion y busnesau dderbyn tri mis yn y carchar, dirwy neu'r ddau.

Darllenwch fwy yma

Angen barn y cyhoedd am bont newydd arfaethedig dros Afon Taf

Gofynnir i'r gymuned leol ac aelodau'r cyhoedd roi eu barn ar bont newydd arfaethedig ar draws Afon Taf.

Mae'r bont arfaethedig i gerddwyr a beiciwyr rhwng y Marl yn Grangetown a Pharc Hamadryad yn Butetown yn cefnogi cynllun adfywio ehangach y Cyngor i ailddatblygu ystâd Trem y Môr.

Byddai'r bont yn cynnig cysylltiad pwysig i gymunedau naill ochr i'r afon, i ysgolion, parciau a chyfleusterau hamdden gan gysylltu â'r rhwydwaith ehangach o lwybrau ar gyfer cerdded a beicio, gan gynnwys Llwybr y Bae a Llwybr Elái.

Darllenwch fwy yma