Heddiw (dydd Mercher 20 Tachwedd), bu plant Caerdydd yn dathlu Diwrnod Plant y Byd, diwrnod blynyddol UNICEF ar gyfer plant yn gweithredu dros blant. Bu'r digwyddiad yn gyfle i blant a phobl ifanc ddod ynghyd i ddathlu'r cynnydd a wnaed i wella eu hawliau ac yn amlygu y gwaith mae angen ei wneud eto.
Eleni ydy'r 30ain blynedd ers Confensiwn y Cenhedloedd Unedig ar Hawliau'r Plentyn a bu ysgolion ledled Caerdydd yn cynnal amrywiaeth o weithgareddau i goffau'r pen-blwydd arbennig.
Roedd rhai o'r uchafbwyntiau ar draws y ddinas yn cynnwys:
Mae Cyngor Caerdydd yn ceisio dod yn Ddinas sy'n Dda i Blant sydd wedi'i nodi yn y Strategaeth a lansiwyd y llynedd, gyda phum nod clir sy'n pennu sut dylid ymgorffori hawliau'r plant ac ennill statws Dinas sy'n Dda i Blant UNICEF;
Heddiw, mae 91 o ysgolion Caerdydd wedi cofrestru â Rhaglen Ysgolion sy'n Parchu Hawliau UNICEF, gan ddangos eu cefnogaeth i helpu Caerdydd i ddod yn un o Ddinasoedd Cyntaf y DU sy'n Dda i Blant.
Mae'r rhaglen Ysgolion sy'n Parchu Hawliau yn cydnabod ysgol sy'n arfer hawliau'r plentyn ac yn creu man dysgu diogel, sy'n ysbrydoli, lle caiff plant eu parchu, eu talentau ei meithrin a lle gallant ffynnu.
#DiwrnodPlantyByd #CdyddSy'nDdaiBlant #AddysgCdydd