25/07/23
Mae timau ar draws Cyngor Caerdydd, ynghyd â sefydliadau partner a grwpiau cymunedol ledled y ddinas, yn ymuno i helpu teuluoedd sy'n wynebu anawsterau ariannol yn ystod gwyliau'r haf i ysgolion.
Mae amrywiaeth o gymorth ar gael ar adeg pan fo pwysau ariannol cynyddol a gellir tywys rhieni a theuluoedd tuag at ffyrdd y gall pobl ifanc ymysgwyd a chael eu diddanu, yn ogystal â sut i ddod o hyd i ffyrdd rhad - ac am ddim - o fwydo teuluoedd.
Mae'r rhaglen 'Bwyd a Hwyl', bellach ar ei wythfed blwyddyn, ar gael mewn 27 o ysgolion yn y ddinas. Mae'r rhaglen cyfoethogi gwyliau ysgol arobryn yn darparu prydau am ddim ochr yn ochr â rhestr gyffrous o weithgareddau, sgiliau a chwaraeon hwyliog am ddim a ddarperir gan sefydliadau partner, gan gynnwys Bwrdd Iechyd Prifysgol Caerdydd a'r Fro, sy'n cefnogi sesiynau addysg maeth.
Yn ogystal, mae llu o sefydliadau, elusennau a chwmnïau eraill yn hyrwyddo ffyrdd am ddim neu am gost isel i sicrhau bod pawb yn gallu bwyta'n iach.
Dwedodd y Cynghorydd Sarah Merry, Dirprwy Arweinydd Cyngor Caerdydd, a'r Aelod Cabinet dros Addysg, Cyflogaeth a Sgiliau: "Bydd llawer o bobl yn teimlo effeithiau'r argyfwng costau byw parhaus ond i rai teuluoedd mae'r effaith yn llawer mwy, yn enwedig gyda'r baich ariannol ychwanegol a ddaw yn sgil gwyliau ysgol hir.
"Rydym yn cydnabod yr angen a phwysigrwydd cael cynllun Bwyd a Hwyl Caerdydd. Dros yr wyth mlynedd diwethaf rydym wedi sefydlu gwaith partneriaeth llwyddiannus sydd wedi chwarae rhan allweddol wrth gefnogi iechyd a lles cadarnhaol ymhlith y plant hynny sy'n elwa fwyaf o'r cynllun.
"Gan roi mynediad i weithgarwch corfforol, prydau iach a sesiynau maeth a bwyd, mae'r fenter yn cynnig amrywiaeth eang o weithgareddau hwyliog na fyddai rhai plant fel arfer yn cael cyfle i'w mwynhau.
"Rwy'n falch iawn bod y cynllun wedi tyfu flwyddyn ar ôl blwyddyn ac rwy'n edrych ymlaen at ymweld â llawer o'r sesiynau yr haf hwn i gwrdd â'r plant a'n haelodau staff ymroddedig."
Dwedodd y Cynghorydd Peter Bradbury, yr Aelod Cabinet dros Drechu Tlodi a Chefnogi Pobl Ifanc: "Mae ein tîm Cynghori Ariannol yn dal yma i helpu pobl sydd angen cymorth dros wyliau'r ysgol, a thu hwnt. Os oes unrhyw un yn ei chael hi'n anodd, mae'n bwysig cofio bod help ar gael i bawb, galwch draw i'ch canolfan leol neu ffoniwch y Llinell Gynghori. Mae ein tîm wrth law i helpu."
Dyma restr o rai o'r gweithgareddau a'r cyngor ymarferol sydd ar gael:
Gweithgareddau am ddim neu am gost bychan
- Ar Eich Marciau, Darllenwch - Llyfrgelloedd (https://hybiaucaerdydd.co.uk/sialens-ddarllen-yr-haf/)
- Digwyddiadau Hyb - Hybiau (https://hybiaucaerdydd.co.uk/events/)
- Dydd Mercher Crefftus - Amgueddfa Caerdydd, o Orffennaf 26 (amgueddfacaerdydd.com/digwyddiadau)
- Nofio - Pyllau amrywiol, am ddim i bobl dan 16 oed (www.better.org.uK/leisure-centre/Caerdydd)
- Teithiau cerdded, parciau a llwybrau (https://www.outdoorcardiff.com/cy/)
- Bwyd a Hwyl - cysylltwch ag ysgolion am fanylion
Cymorth i Deuluoedd
- Anogir rhieni a theuluoedd i gysylltu âCyngor Ariannol Caerdydd(029 2087 1071,https://www.cardiffmoneyadvice.co.uk/cy/) os ydynt yn teimlo eu bod yn ei chael hi'n anodd cael dau ben llinyn ynghyd neu os hoffent gael help i gael gafael ar fudd-daliadau. Ymhlith y cynlluniau y gallant helpu gyda nhw mae:
- Talebau Cynllun Byrbrydau Iach
- Prydau Ysgol Am Ddim
- Gostyngiad y Dreth Gyngor
- Cronfa Atal Digartrefedd
- Taliad Tai yn ôl Disgresiwn
- Talebau Cychwyn Iach - i brynu bwydydd iach a llaeth i blant ifanc ac yn ystod beichiogrwydd (0300 330 7010,www.healthystart.nhs.uk/)
- Grant Hanfodion Ysgol - help i brynu gwisg ysgol ac ati. (029 2087 1071,www.caerdydd.gov.uka chwilio am Grant Hanfodion Ysgol)
- Cludiant rheilffordd - mae plant dan 11 oed yn teithio am ddim (os oes oedolyn gyda nhw sy'n talu am docyn) ac mae plant 11-16 yn teithio am ddim oddi ar yr oriau brig (0300 330 7010,www.trc.cymru/ffyrdd-o-deithio/rheilffordd/arbedion-a-chynigion/plant-i-gael-teithio-am-ddim)
- Cynhyrchion tlodi mislif - ar draws yr Hybiau (gofynnwch yn y dderbynfa)
Bwyd am ddim neu am bris isel
- Pantri bwyd - bwyd ffres, ffrwythau a llysiau ar gyfer tanysgrifiad wythnosol bach, fel arfer tua £5 (www.eichpantrilleol.co.uk)
- Oergell Gymunedol - brechdanau, bwyd wedi'i goginio, cig, llaeth, llysiau ac ati. Talu beth allwch ei fforddio. Bob dydd, 9.30am-11pm (Canolfan Gymunedol Cathays, Teras Cathays)
- Banc Bwyd Al-Ikhlas - Dydd Mawrth, 10am-canol dydd (Canolfan Al-Ikhlas, Heol Lydan (Broadway), Adamsdown)
- Bwyd am Oes Cymru - prydau bwyd maethlon am ddim, yn seiliedig ar blanhigion, Llun-Gwener, 11am-6pm, Sad, 11am-5pm (Lolfa Atma, Uned 20, Capital Centre, Heol y Frenhines, canol dinas Caerdydd)
- Rainbow of Hope - te a choffi am ddim i'r rhai mewn angen, Llun-Iau, 10.30am-1pm, Sad, hanner dydd-1pm (23-25 Heol Lydan)
- Fforwm Tredelerch - bagiau bwyd, £7 i'r rhai yn ardal CF3, Mawrth (Brachdy House, Heol y Brachdy Tredelerch)
- Eglwys Sant Marc a Sant Phillip - marchnad am ddim, Mawrth a Sadwrn, 10-10.30am, St Mark's; Sul, 3.30-4pm, St Phillip's (St Mark's, Heol y Gogledd, Gabalfa; St Phillip's, Heol Tweedsmuir, Tremorfa)
- Eglwys Gymunedol Glenwood - pantri i bobl yn Llanedern neu Bentwyn, £3 am 16 eitem, Gwen (Eglwys Gymunedol Glenwood, Ffordd Gylchol y Gorllewin, Llanedern. Cofrestrwch yn gyntaf ynwww.glenwoodchurch.org/food-club)
- Food Cycle Caerdydd - pryd poeth am ddim, croeso i deuluoedd, Trelái, Llun, 6.30pm; Glan-yr-afon, Mercher, 6.30pm (Yr Efail Ddwst, Heol Orllewinol y Bont-faen, Trelái; Canolfan Wyndham Street, Glan-yr-afon;www.foodcycle.org.uk)
- Ystafell Fyw Capel Tredelerch - brecwast a chinio am ddim, ynghyd â swper ar rai nosweithiau (Heol y Brachdy, Tredelerch.www.rumneychapel.org/thelivingroomneu 029 2025 0998
- Splo-Down - Grŵp Bwyd Cymunedol- Dydd Mercher, 5-7pm (Cwrt Canolfan Oasis, Heol y Sblot, Y Sblotwww.https://splo-down.org/)
Cafodd y cynllunBwyd a Hwylei ddatblygu gan dîm Bwyd a Hwyl Caerdydd yn 2015 ac fe'i mabwysiadwyd gan Lywodraeth Cymru a'i gyflwyno i weddill Cymru yn ystod y ddwy flynedd ddilynol. Mae wedi cael ei ddefnyddio fel enghraifft o Arfer Gorau ac mae wedi arwain at gydnabod mai Cymru sydd â'r ddarpariaeth gwyliau fwyaf datblygedig yng ngwledydd Prydain.
- I gael rhagor o wybodaeth ewch i: Rhaglen Cyfoethogi Gwyliau'r Ysgol, Bwyd a Hwyl | Bwyd Caerdydd