Dyma'r wybodaeth ddiweddaraf gan Gyngor Caerdydd, gan gynnwys: yr achosion presennol a'r ffigurau prawf ar gyfer Caerdydd; y diweddaraf am achosion sy'n effeithio ar ysgolion; ac ymweld â safleoedd yng Nghaerdydd yn dilyn adroddiadau am dorri rheoliadau Covid.
Achosion a Phrofion Caerdydd - Data'r 7 Diwrnod Diwethaf
Yn seiliedig ar ffigurau diweddaraf Iechyd Cyhoeddus Cymru, mae'r data'n gywir ar:
28 Medi 2020
Achosion: 279
Achosion fesul 100,000 o'r boblogaeth: 76.0
Achosion profi: 5,262
Profion fesul 100,000 o'r boblogaeth: 1,434.2
Cyfran bositif: 5.3%
Diweddariad ar achosion COVID-19 sy'n effeithio ar ysgolion 29 Medi 2020
Ysgol Gyfun Bro Edern
Mae achos positif o COVID-19 wedi'i gadarnhau yn Ysgol Gyfun Bro Edern. Mae 15 o ddisgyblion Blwyddyn 12 wedi cael cyngor gan Iechyd Cyhoeddus Cymru i hunanynysu am 14 diwrnod ar ôl iddynt gael eu henwi'n gysylltiadau agos yr achos o COVID-19 a gadarnhawyd. Nid oes angen i unrhyw aelodau o staff hunanynysu gan fod mesurau ymbellhau cymdeithasol effeithiol ar waith.
Ysgol Uwchradd Illtud Sant
Mae dau aelod o staff Ysgol Uwchradd Illtud Sant wedi cael prawf COVID-19 positif.
Nid yw'r achosion dan sylw yn gysylltiedig a chan fod mesurau ymbellhau cymdeithasol ar waith yn yr ysgol nid oes angen i unrhyw un arall hunanynysu.
Ysgol Uwchradd Cathays
Cadarnhawyd achos positif o COVID-19 yn Ysgol Uwchradd Cathays. Mae 110 o ddisgyblion Blwyddyn 7 ac 1 aelod o staff wedi cael cyngor gan Iechyd Cyhoeddus Cymru i hunanynysu am 14 diwrnod ar ôl iddynt gael eu nodi fel cysylltiadau agos i'r achos a gadarnhawyd o COVID-19.
Ymweld â safleoedd yng Nghaerdydd yn dilyn adroddiadau am dorri rheoliadau Covid
Cafodd saith ar hugain o safleoedd yng Nghaerdydd ymweliadau gan swyddogion y Gwasanaethau Rheoliadol a Rennir a Heddlu De Cymru y penwythnos diwethaf, yn dilyn adroddiadau am sŵn, ac mewn rhai achosion, torri rheoliadau Covid-19.
Roedd yr ymweliadau'n cynnwys:
Yn ogystal â nodi eu manylion dan Ddeddf Diogelu'r Amgylchedd 1990, mewn perthynas â chwynion yn ymwneud â sŵn, pan fo'n briodol cyflwynodd y swyddogion Gwasanaethau Rheoliadol a Rennir wybodaeth i denantiaid mewn perthynas â rheoliadau Covid.
Bydd y safle trwyddedig yn destun adolygiad pellach o ran cydymffurfio â Covid-19 gan swyddogion y gwasanaeth yr wythnos hon.
Dywedodd yr Aelod Cabinet dros yr Amgylchedd, y Cynghorydd Michael Michael: "Mae'n bwysig bod pobl yn dilyn y rheoliadau Covid-19 sydd wedi cael eu rhoi ar waith i helpu i gadw Caerdydd yn ddiogel a helpu i arafu trosglwyddiad Covid-19.
"Bydd swyddogion o'n Gwasanaethau Rheoliadol a Rennir yn parhau i weithio'n glos gyda Heddlu De Cymru dros yr wythnosau nesaf i sicrhau bod hynny'n digwydd."