17.1.20
Mae defnyddwyr llyfrgelloedd a hybiau ledled Cymru yn cael eu hannog i roi cynnig ar weithgaredd neu hobi newydd y flwyddyn newydd hon i hybu eu hiechyd a'u lles.
Ar ddydd Llun 20 Ionawr, bydd llyfrgelloedd ledled y ddinas yn cynnig cyfle i gwsmeriaid ac aelodau'r cyhoedd gymryd rhan mewn gweithgaredd newydd nad ydynt wedi rhoi cynnig arno erioed o'r blaen.
‘Diwrnod Gwnewch Rywbeth Newydd' yw rhan olaf ymgyrch Byw'n Dda yng Nghymru Llyfrgelloedd Cymru sy'n dod â llyfrgelloedd cyhoeddus a sefydliadau partner at ei gilydd i dynnu sylw at y rôl bwysig y mae llyfrgelloedd yn ei chwarae yng nghalon eu cymunedau lleol ac i hyrwyddo'r miloedd o ddigwyddiadau a gweithgareddau sy'n hybu iechyd a lles a gynhelir mewn llyfrgelloedd bob blwyddyn.
Dechreuodd yr ymgyrch ym mis Mai 2019 gydag Wythnos Gweithredu Dementia, mewn partneriaeth â'r Alzheimer's Society, cyn cefnogi wythnos 'Nabod eich Rhifau!' elusen Pwysedd Gwaed y DU ym mis Medi ac Wythnos Dyslecsia Cendlaethol Cymdeithas Dyslecsia Prydain ym mis Hydref.
Mae llyfrgelloedd Cymru yn gweithio gydag Amser i Newid Cymru, Hafal a MIND Cymru ar ‘Ddiwrnod Gwnewch Rywbeth Newydd', i ysbrydoli pobl i roi cynnig ar rywbeth newydd i wella eu lles corfforol a meddyliol ar ddechrau'r flwyddyn newydd hon.
Bydd pencampwr Amser i Newid Cymru yn ymweld â Hyb Llaneirwg ar 20 Ionawr (9.30am - 12pm) i roi gwybodaeth ar yr ymgyrch i roi diwedd i'r stigma y mae pobl â phroblemau iechyd meddwl yn ei wynebu, tra bod ystod o ddigwyddiadau am ddim yn cael eu cynnal ledled hybiau a llyfrgelloedd Caerdydd gan gynnwys:
Hyb STAR
| Diwrnod Achub y Blaned | 11am - 4pm |
Hyb y Llyfrgell Ganolog |
Jyglo gyda Syrcas Upside Down
Gwau
Crefftau Papur
Gweithdy Côr
Gwersi Blasu Ieithoedd (Pwyleg/Ffraneg)
|
11am-12pm
12pm - 1pm
12pm - 1pm 2pm - 3pm
3pm - 4pm |
Hyb Powerhouse, Llanedern: |
Gwau a Sgwrsio | 11.30am - 1.30pm |
Hyb Trelái a Chaerau | Tai Chi
| 4pm—5pm |
Llyfrgell Radur | Gwau a Chrosio
Sgwrsio Ffraneg (Dechreuwyr)
Dewch i chwarae Bridge
Codi Sbwriel Carwch Eich Cartref | 10am - 12pm
11am - 11.45am 2pm 3.30pm
10 - 11.30am
|
Llyfrgell Treganna | Crefftio Papur | 2pm - 4pm |
Hyb Llanisien | Dewch draw am goffi a sgwrs a dewch â chrefft gyda chi
Ioga ar Gadair
Awr ‘Appus (help gydag appiau ar eich dyfais eich hun) | 9.30am - 11.00am
2.30pm -3.30pm
11am-12pm |
Llyfrgell Rhiwbeina
| Cwrdd â'r RSPB i gael gwybod am roi cartref i natur
Bore Coffi Cymunedol
Gwybodaeth am gyfleoedd gwirfoddoli (gyda Tony Wakeham)
Ioga ar Gadair
Darllen yn Uchel
| 10am - 2pm
10am - 11.30am
10am - 2pm
10.30am - 11.30am
3pm - 4pm |
Hyb Grangetown
|
Digwyddiad Achub y Blaned |
11am-4pm |
Hyb Llanrhymni | Gwau a Sgwrsio
Cwrdd ar Ddydd Llun
Hyfforddiant LIFT (dosbarthiadau ymarfer corff ysgafn i bobl hŷn)
Celf | 11am-12pm
12pm - 2pm
12.15pm - 1pm.
1pm - 2pm
|
Hyb Llaneirwg |
Olrhain eich Cyndeidiau |
3pm - 4pm
|
Dywedodd yr Aelod Cabinet dros Dai a Chymunedau, y Cynghorydd Lynda Thorne: "Mae dechrau 2020 yn amser perffaith i roi cynnig ar rywbeth newydd ac mae ein hybiau a llyfrgelloedd yn rhoi cyfle i bobl wneud hynny ar Ddiwrnod Gwnewch Rywbeth Gwahanol.
"Rwy'n falch ein bod ni'n gallu cynnig ystod mor eang o weithgareddau ledled y ddinas i roi blas i bobl ar y digwyddiadau, y dosbarthiadau a'r grwpiau sydd yn ein cyfleusterau gydol y flwyddyn yn rheolaidd. Mae Gwnewch Rywbeth Gwahanol yn gyfle gwych i amlygu'r effaith bositif y gall ein gwasanaethau llyfrgell a hyb ei chael ar dymer a lles pobl.
"Rydym yn falch o fod yn cefnogi menter Llyfrgelloedd Cymru, gan hyrwyddo lles cymdeithasol a ffyrdd o fyw actif, ac annog ein cwsmeriaid i roi cynnig ar rywbeth newydd a ddydd Llun."