The essential journalist news source
Back
12.
May
2017.
Caerdydd yn cefnogi Wythnos Ymwybyddiaeth Dementia 2017

Caerdydd yn cefnogi Wythnos Ymwybyddiaeth Dementia 2017

 

Mae Cyngor Caerdydd yn nodi Wythnos Ymwybyddiaeth Dementia 2017 gyda chyfres o ddigwyddiadau a sesiynau galw heibio i hyrwyddo'r gwasanaethau cymorth sydd ar gael yn y ddinas a helpu pobl i ddeall sut beth yw byw o ddydd i ddydd gyda dementia.

 

Mae'r Cyngor ynghyd â sefydliadau, busnesau a grwpiau sy'n cynnwys Cymdeithas Alzheimer, John Lewis, Ikea, Chapter, Prifysgol Caerdydd, Prifysgol Metropolitan Caerdydd, Cyfeillion Dementia, Canolfan Ymchwil CARIAD, grwpiau Ffrindiau a Chymdogion a Chôr Tŷ Willcox, yn cynnal dros 50 o ddigwyddiadau drwy gydol Wythnos Ymwybyddiaeth Dementia 2017, o Ddydd Llun 15 Mai tan Ddydd Sadwrn 20 Mai.

 

Mae lleoliadau yn cynnwys Hyb Llyfrgell Ganolog Caerdydd, Hybiau Cymunedol y cyngor, Neuadd y Sir, Tŷ Willcox, Canolfan Gelfyddydau'r Chapter, Canolfan Siopa Dewi Sant, Parc y Rhath, John Lewis ac Ikea.

 

Dywedodd Rob Sadler, pencampwr Dementia a Swyddog Newid Busnes i Lyfrgelloedd Caerdydd yng Nghyngor Caerdydd: " Mae wythnos lawn dop wedi ei chynllunio, gan gynnwys ystod o weithgareddau, sesiynau gwybodaeth ac adloniant gyda sgrinio ffilmiau a darlleniadau barddoniaeth. Byddwn yn helpu pobl sy'n byw â dementia a'u gofalwyr i fynd ar-lein a lawrlwytho e-lyfrau i'w mwynhau yn hamddenol.

 

Ar Ddydd iau Wythnos Ymwybyddiaeth Dementia, byddwn yn agor Caffi Dementia'r Gymdeithas Alzheimer yn Hyb Llyfrgell Ganolog Caerdydd y gobeithiwn a fydd yn cynnig lle diogel i bobl sy'n byw â dementia i gyrchu gwybodaeth a gwasanaethau mewn awyrgylch gymdeithasol.

 

Gobeithiwn weld lawer o bobl yn dod trwy ein drysau yn ystod yr wythnos ac i'n helpu ni i chwarae ein rhan yn adeiladu cymdeithas dementia-gyfeillgar sy'n helpu'r rhai hynny a effeithiwyd i fyw bywydau gwell a llawnach."

 

Bydd Gweithwyr Cymdeithasol a Gweithwyr Asesu Gofalwyr yn Llyfrgell Ganolog Caerdydd ar Ddydd Llun 15 a Dydd Mercher 17 Mai i gynnig gwybodaeth a chyngor. Mae'r Gwasanaethau Cymdeithasol yn cynnig ystod o ofal a chymorth gydol y flwyddyn, gan gynnwys gofal cartref personol, gofal seibiant a chymorth gofalwyr.

 

Fel rhan o'r gwaith tuag at ennill statws dinas dementia-gyfeillgar, mae'r cyngor yn cynnig hyfforddiant ymwybyddiaeth dementia i'r staff cyfan a hyfforddiant i alluogi staff i ddod yn bencampwyr dementia.

 

Trwy gydol Wythnos Ymwybyddiaeth Dementia 2017, mae gwasanaeth Teleofal Caerdydd yn cynnig i'r rheiny sydd â dementia, uned sail a roddwyd am ddim gyda phob teclyn canfod cwymp neu sensor gadael eiddo a gaiff ei brynu wrth danysgrifio i'w Wasanaeth Ymateb Symudol. Ceir gwybodaeth bellach ar sut mae tanysgrifio ar gael drwy ffonio Teleofal Caerdydd ar 029 2053 7080.

 

Yn y Caffi Dementia Ddydd Iau 18 Mai bydd y Cyngor yn ail lansio ei wasanaeth Pryd ar Glud. Gan ddosbarthu prydau cynnes, maethlon i gwsmeriaid ledled y ddinas, mae Pryd ar Glud nawr yn caniatáu i bobl atgyfeirio eu hunain i'r gwasanaeth neu gael eu hatgyfeirio gan deulu, ffrindiau, cymdogion neu weithwyr proffesiynol iechyd neu ofal cymdeithasol. Bydd cwsmeriaid sy'n tanysgrifio ar gyfer y gwasanaeth Ddydd Iau yn cael eu pryd cyntaf am ddim.

 

Mae'r Gymdeithas Alzheimer, y sefydliad y tu cefn i Wythnos Ymwybyddiaeth Dementia 2017, yn gofyn i bawb ledled Cymru, Lloegr a Gogledd Iwerddon i uno yn erbyn dementia.

 

Dywedodd Melanie Andrews, Rheolwr Gweithrediadau Cymdeithas Alzheimer Cymru yn Ne Ddwyrain Cymru: "Mae dros 4,000 o bobl yn byw â dementia yng Nghaerdydd. Mae uno â Llyfrgelloedd Caerdydd ledled y ddinas yn berthynas mor bwysig i ni ei gael am fod eu gwasanaeth yn darparu rhan allweddol yn y gymuned ledled y Brifddinas. Rydym yn hynod falch pa mor uchelgeisiol y bu'r llyfrgell yr Wythnos Ymwybyddiaeth Dementia hwn gyda digwyddiadau wedi eu cynllunio gydol yr wythnos gan gynnwys lansio Caffi Dementia.

 

"Rydym yn galw ar bobl yng Nghaerdydd i ddangos eu cefnogaeth i'r Wythnos Ymwybyddiaeth Dementia hon. Dyw Dementia ddim yn parchu neb; gallai effeithio arnom ni oll. Mae ar y ffordd i fod y clefyd sy'n lladd y mwyaf o bobl yn y G21, gyda rhywun yn datblygu symptomau bob tri munud a chymaint yn ei wynebu ar eu pennau eu hunain.

 

"Mae pobl â dementia yn aml yn teimlo - ac yn cael - eu cam-ddeall, eu gwthio i'r cyrion a'u hynysu ond gyda'r gefnogaeth iawn a dealltwriaeth gallan nhw barhau i fyw bywydau llawn a gwneud cyfraniadau yn eu cymunedau. Felly, unwch â ni nawr a dewch draw i'r nifer o ddigwyddiadau yng Nghaerdydd yn ystod yr Wythnos Ymwybyddiaeth Dementia.

 

Cliciwch yma am restr lawn o ddigwyddiadau Wythnos Ymwybyddiaeth Dementia 2017 yng Nghaerdydd gan gynnwys lleoliadau, dyddiadau ac amseroedd. Caiff manylion eu rhannu hefyd yn ystod yr wythnos drwy gyfrwng cyfrif Twitter y Cyngor - @CyngorCaerdydd a'u tudalen Facebook - facebook.cardiffcouncil1